ອຸບັດຕິເຫດ

ບຸນຊ່ວງເຮືອປີນີ້ ມີຜູ້ເສຍຊີວິດຈາກອຸບັດຕິເຫດຫຼຸດລົງ

ພະ​ແນກ​ຕຳຫຼວດ​ຈະລາຈອນ ນະຄອນຫຼວງ​ວຽງ​ຈັນ ໃຫ້​ຮູ້​ວ່າ: ໄລຍະ​ວັນ​ທີ 4-6 ຕຸລາ 2017 ໃນ ງານ​ບຸນຊ່ວງເຮືອ​ທ່າ​ວັດ​ຈັນ​ປີ​ນີ້ ສະເພາະ 3 ມື້​ຂອງ​ການ​ຄົບງັນ ມີ​ອຸບັດ​ຕິ​ເຫດ​ເກີດ​ຂຶ້ນ 18 ກໍລະນີ ແລະ ມີ​ຜູ້​ເສຍ​ຊີວິດ 2 ຄົນຄື: ໃນວັນ​ທີ 4 ຕຸລາ ເວລາ​ປະມານ 23 ໂມງ​ ໄດ້​ເກີດ​ອຸບັດ​ຕິ​ເຫດ​ລົດຈັກຕຳ​ກັບ​ລົດຈັກ​ຢູ່​ເສັ້ນທາງ 13 ເໜືອ ເຂດ​ບ້ານ​ໄຊ​ມຸງຄຸນ ສົ່ງ​ຜົນເຮັດ​ໃຫ້​ມີ​ຜູ້​ເສຍ​ຊີວິດ 1 ຄົນ ແລະ ເວລາ​ປະມານ 23 ໂມງຂອງ​ວັນທີ 6 ຕຸລາ ໄດ້​ເກີດ​ອຸບັດ​ຕິ​ເຫດ​ລົດຈັກ​ຕຳ​ກັບ​ລົດ​ໃຫຍ່ ຢູ່​ເສັ້ນທາງ ໄກສອນ ພົມວິຫານ ເຂດ​ບ້ານ​ສີວິໄລ ເມືອງ​ໄຊ​ທານີ ສົ່ງ​ຜົນ​ເຮັດໃຫ້​ຜູ້​ຂັບ​ລົດຈັກ​ເສຍ​ຊີວິດ​ຄາ​ທີ່ ສາເຫດ​ສ່ວນ​ໃຫຍ່​ທີ່​ພາໃຫ້​ເກີດອຸບັດ​ຕິ​ເຫດ​ແມ່ນ​ຍ້ອນ​ຂັບ​ລົດ​ໄວ ແລະ ດື່ມ​ສິ່ງ​ມຶນເມົາ ໂດຍ​ລວມແລ້ວ ສະພາບ​ການ​ເກີດ​ອຸບັດ​ຕິເຫດ​ຖ້າ​ທຽບໃສ່​ໃນ​ປີຜ່ານມາ ເຫັນ​ວ່າ​ຈຳນວນ​ອຸບັດ​ຕິ​ເຫດ​ຫຼຸດລົງ 18 ກໍລະນີ ແລະ ຜູ້​ເສຍ​ຊີວິດຫຼຸດ​ລົງ 4 ຄົນ ຍ້ອນ​ວ່າການ​ຄົບງັນ​ໃນ​ປີ​ນີ້​ມີ​ພຽງ 3 ມື້ ຂະນະ​ທີ່​ປີຜ່ານ​ມາ​ແມ່ນ​ກຳນົດ 5 ມື້.

ນອກຈາກ​ນີ້ ທາງ​ເຈົ້າ​ໜ້າທີ່ຕຳຫຼວດ​ຍັງ​ໃຫ້​ຮູ້​ຕື່ມ​ວ່າ: ການຈັດ​ງານ​ບຸນຊ່ວງເຮືອ​ປີ​ນີ້ ມີ​ສະພາບ​ປາກົດການ​ຫຍໍ້ທໍ້​ເກີດ​ຂຶ້ນ 11 ເລື່ອງ ໃນ​ນີ້ ເດັ່ນ​ກວ່າ​ໝູ່​ແມ່ນ​ປາກົດ​ການ​ລ່ວງ​ກະເປົາ ທຽບໃສ່​ປີຜ່ານ​ມາ​ເພີ່ມ​ຂຶ້ນ 2 ເລື່ອງ ຜົນເສຍ​ຫາຍ​ມີ​ໂທລະສັບ​ມື​ຖື 7 ໜ່ວຍ ແລະ ເງິນ ປະມານ 10 ລ້ານ​ກວ່າ​ກີບ.

ມີ 763 ຄົນເສຍຊີວິດຍ້ອນອຸປະຕິເຫດທ້ອງຖະໜົນໃນ 9 ເດືອນຜ່ານມາ

ອີກແລ້ວກັບຕົວເລກໜ້າເສົ້າຂອງສະຖິຕິການເກີດອຸປະຕິເຫດໃນລາວ ເຈົ້າໜ້າທີ່ເຜີຍ 9  ເດືອນປີ 2017 ມີອຸບັດເຫດເກີດຂຶ້ນທັງໝົດ  4.254ຄັ້ງ ແລະ ມີ 763 ຄົນຕ້ອງມາຈົບຊີວິດລົງຍ້ອນອຸປະຕິເຫດທາງທ້ອງຖະໜົນ ໃນນັ້ນໃນຄອນຫຼວງຕິດອັນດັບໜຶ່ງ ແລະແນ່ນອນເຫດການລົດຕຳກັນສ່ວນຫຼວງຫຼາຍແມ່ນເກີດຈາກການດື່ມສິ່ງມືນເມົາ ກັບຂັບໄວເກີນເຫດ.

ອີງຕາມຂໍ້ມູນຈາກກົມໃຫຍ່ຕ່ຳຫຼວດສະຖິຕິອຸບັດເຫດທົ່ວປະເທດ 9 ເດືອນປີ 2017 ມີອຸບັດເຫດເກີດຂຶ້ນທັງໝົດ 4.254 ຄັ້ງ,ມີພາຫະນະເປ່ເພ 7.713 ຄັນ,ເລັກນ້ອຍ 3.589 ຄັນ, ສົມຄວນ 3.880 ຄັນ,ໃຊ້ການບໍໄດ້ 248 ຄັນ, ຄົນຮັບບາດເຈັບ 7.024 ຄົນ, ຄົນຮັບບາດເຈັບເລັກນ້ອຍ 3.119 ຄົນ, ສົມຄວນ 2.905 ຄົນ, ສາຫັດ 1.000ຄົນ ແລະອີກ 763 ຄົນຕ້ອງຈົບຊີວິດລົງ.

ໂດຍການເກີດອຸບັດເຫດໃນ 9 ເດືອນຜ່ານມາ

- ນະຄອນຫຼວງວຽງຈັນຍັງຄອງສະຖິຕິສູງສຸດເຖິງ 1.008 ຄັ້ງ, ເສຍຊີວິດ 163 ຄົນ

- ສ່ວນທາງພາກເໜືອຜົ້ງສາລີເກີດ 82 ຄັ້ງ, ເສຍຊີວິດ 9 ຄົນ

- ອຸດດົມໄຊເກີດ 315ຄັ້ງ,ເສຍຊີວິດ 53 ຄົນ

- ຫຼວງນ້ຳທາເກີດ 136 ຄັ້ງ,ເສຍຊີວິດ 21 ຄົນ,ບໍ່ແກ້ວເກີດ93 ຄັ້ງ,ເສຍຊີວິດ 27 ຄົນ

- ໄຊຍະບູລີເກີດ 82ຄັ້ງ,ເສຍຊີວິດ 42 ຄົນ

- ຫຼວງພະບາງເກີດ 344ຄັ້ງ,ເສຍຊີວິດ 39 ຄົນ

- ຫົວພັນເກີດ 29 ຄັ້ງ,ເສຍຊີວິດ 14 ຄົນ

- ຊຽງຂວາງເກີດ 90 ຄັ້ງ,ເສຍຊີວິດ 30 ຄົນ

- ໄຊສົມບູນເກີດ 27 ຄັ້ງ,ເສຍຊີວິດ 4 ຄົນ

- ແຂວງວຽງຈັນເກີດ 364 ຄັ້ງ,ເສຍຊີວິດ 54 ຄົນ 

- ພາກໃຕ້ບໍລິ ຄຳໄຊເກີດ 252 ຄັ້ງ,ເສຍຊີວິດ 62 ຄົນ

- ຄຳມ່ວນເກີດ 62 ຄັ້ງ,ເສຍຊີວິດ 20 ຄົນ

- ສະຫວັນນະເຂດເກີດ 501 ຄັ້ງ,ເສຍຊີວິດ 85 ຄົນ

- ສາລະວັນເກີດ 127 ຄັ້ງ,ເສຍຊີວິດ 31 ຄົນ

- ຈຳປາສັກເກີດ 566ຄັ້ງ,ເສຍຊີວິດ 67ຄົນ

- ເຊກອງເກີດ 101ຄັ້ງ,ເສຍຊີວິດ 33 ຄົນ

- ອັດຕະປືເກີດ 75 ຄັ້ງ,ເສຍຊີວິດ 16 ຄົນ.

ຕຳແລ້ວໜີ...!!! ແຈ້ງເກີດອຸປະເຫດລົດໃຫ່ຍຕຳກັບ ລົດຈັກ ທີ່ ເມືອງຊະນະສົມບູນ

ອີງຕາມການແຈ້ງຂ່າວຂອງ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາ ແຂວງຈຳປາສັກ ໄດ້ຮັບແຈ້ງເຫດຈາກປະຊາຊົນວ່າມີລົດຕຳແລ້ວໜີ ຈຸດເກີດເຫດ:ບ້ານໜອງຫອຍ ເມືອງຊະນະສົມບູນ ແຂວງຈໍາປາສັກ ໃນວັນທີ  ວັນທີ25/9/2017ເວລາ19:30ນາທີ

 ໜ່ວຍກູ້ໄພອອກກວດສອບເຫດພົບເຫັນຄົນເຈັບ01ຄົນ  ເປັນເພດຊາຍ ອາຍຸ 27ປີ ອາຊີບຊາວນາ ບ້ານກຸ້ງ ເມືອງໂພນທອງ ແຂວງຈຳປາສັກ  ອາການເບື້ອງຕົ້ນມີບາດແຜຖະລອກຕາມແຂນຂາ ຫົວແຕກ